好多香港歷史, 都係由傳媒將傳聞放大而來.
例如胡仙的傳奇. 胡仙在香港擁有傳媒, 除非同行鍾意同同行開火, 否則胡仙與星島的版本, 自然係唯一"正確"的版本, 同行無謂質疑人地點用旗下報紙點樣報導自己.
但胡仙在星洲的親戚就唔會咁比面. 60年代爭產, 星洲的家族成員有的係銀行同南洋售賣祖業永安堂貨品的市場, 相比報紙, 只係政治影響力, 只或者叫第四權.
胡仙佔用由家族公司名下的香港虎豹別墅, 仲另外在香港繞過家族公司私下製造永安堂貨品, 其他家族成員自然槍口一致, 對準胡仙.
星洲胡家擁有其中一份中文報章, 星洲舊報紙裡面的胡仙, 自然形象比香港負面.
而當年法庭質疑虎豹兄弟早年立下共產協議, 為何星島日報等香港資產不在日後平分予子侄, 而是立下一份大部分留給胡仙與其母的遺囑? 不留產業給親兒子胡一虎, 胡二虎, 胡三虎, 胡四虎? (胡仙, 胡山, 胡好, 胡蛟, 據傳都是胡文虎過繼兒女)
南華早報記者早年在香港政府檔案館發現胡文虎的遺囑, 如果有人可以進一步發掘當年的法庭文件, 自然就更多材料寫番個奇情曲折家族故事.
而最後胡仙如何與家族達成協議, 更加影響日後傳說中的賤賣虎豹別墅
家族公司的版本, 就係虎豹別墅(萬金油花園)簽咗長期租約, 一定要用來做公眾花園, 所以將香港虎豹別墅的使用權納入家族的上市公司, 都係得物無所用
而虎豹別墅落入長實手中, 已經唔係第一次, 其實龍華花園, 都曾經係虎豹別墅的一部分.
當年胡仙同家族的協議, 有沒有第三方, 例如當時開始冒起的李家助陣?
收購虎豹別墅的協議, 沒有在長實年報提及, 是否單deal太細唔駛寫, 定係單deal 有d野係好耐的君子協定, 有d野係胡仙用來接錢的公司唔見得光?
胡仙當年在澳洲炒樓的私人公司Kargat Pty Limited 同上市公司Cereus Australia, 其實收埋幾多身家?
的確當年1998年金融風暴, 胡仙好可能周轉唔靈
但胡仙用來控股星島集團的控股公司, 係Asco Investments (Holdings) Limited, 近年科技發達又爆料多, 依間在百慕達登記的離岸公司, 其實又有幾多料?
可以知的係, 間公司可能有料到在Paradise Papers裡面出現
而依間公司, 又同新西蘭十幾間用Primaton Holdings (%) Limited 為命名的公司(將%換成1, 2, 3, 4, 5...)有關, 例如28
http://app.companiesoffice.govt.nz/co/379246
係普通房地產開發用來分契, 定係其他稅務定財務理由咁做, 要查落去, 就更離奇古怪
總之，故事最傳奇都係一個少女到老富豪，一生圍繞錢字的家族情仇
