東方海外國際(OOIL)係早幾年已經比中遠集團買起咗, 但根據唔可靠既維基百科, 霍英東早係1986 件已經已經試過注資,而東方海外國際(OOIL)係百慕達註冊公司,係香港查冊都只係得到唔完整既資料,主要係為咗符合SFC同上市規則既filing, 而非普通香港公司所要求既公佈(姐係可能仲少)。咁講,其實1986年之後 東方海外係邊個真正擁有?
其實 東方海外國際(OOIL)係1986年成立,1992年先成為上市公司。而財困同較先上市既,係 東方海外實業(Orient Overseas (Holdings) Limited;已除牌)。而舊時d公司好興唔註冊埋中文名,所以而家係http://cr.gov.hk/ search到果間"東方海外實業",只係一間流氓公司hijack 其他公司既名。
網絡資源MMIS 最衰就止於1990年, 無法梳理1990年後東方海外國際點樣取代東方海外實業既上市地位。但係老董背住一個輸咗間公司既罵名,其實又值唔值呢?
做生意既人就好清楚,好多時做生意就係同銀行借錢,間公司用總資產計可能做到好大,但用淨資產計可能好細。
"船王"依個名,係老豆董浩雲打番來,海上學府,買英國船公司"大德"(Dart)相信全部都係老豆做決定, 兩個仔做協助。1973年 東方海外實業成立,當時名叫Orient Overseas Container (Holdings) Limited ,而舊時香港股市投資者無咁大,及後董家先滲d滲d,將董家私人擁有既船公司賣比上市公司。而私人公司既資料,除非做銀行,否則真係唔知咁樣賣產後既董家有幾多錢落袋。
(而董浩雲其實都係同+x哥一樣,唔算係白手興家。董浩雲老豆同外父都已經係一代商人。)
但睇翻歷史,結果係投資比較單一化既董家,差d令東方海外實業因為中東戰爭等等航運危機而比銀行清盤。而借銀行錢買咁多船同船公司,係1982年死既董浩雲做既決定,定係兩兄弟做既決定?無論如何,咁先至有東方海外國際/東方海外實業平衡存在既歷史。
同時,都係船王既包玉剛,就反而係同時期棄舟登陸,食埋英資九倉會德豐,成為現代(1997後)香港地產霸權之一,相反董家,除咗董浩雲兄弟果房人可能收埋唔少物業之外,就係帳面係董家擁有既 東方海外國際。
當然,根據年報,到2000年左右東方海外都仲同a Tung family Trust 旗下既Island Navigation Corporation International Limited 及 Island Navigation Corporation租用香港同東京既物業,依度所指既信託,係董浩雲一房,定連埋董浩雲d兄弟?
2017年年報詳細d, 董浩雲既兄弟CU Tung, 有間公司Yuensung Investment, 到2017年東方海外都仲係有租Yuensung 既物業,雖然銀碼都幾細。
咁樣講到尾,當年東方海外實業就破產係事實,但董家私底下有無財力救到少少?中共大外宣既霍家救董家,其實又幾大銀碼?如果係銀碼大既,點解唔係霍家做大股東,而仲係董家帳面上都仲係大股東?
當然,我地依d凡人真係唔會知,因為董家玩到用利比利亞做控股公司既註冊地,正常人點會去到咁遠查冊,而依d國家又會唔會比中共影響,董家只係白手套?
睇翻董家係東方海外最後既半年報,董家用Crest Fortune 及Gala Way擁有68.70%既東方海外股票,而兩者既母公司係Thelma Holdings. 而Thelma 就由董建成透過Artson 擁有Thelma 56.36%股票,而董建華就透過Hanberry Global Limited 擁有Thelma 43.64%股票。而投票投票權又由董建成透過Tung Holdings (Trustee) Inc. 擁有(就係我講既利比利亞公司)。
但建華建成兩者都唔係直接擁有Artson 同Hanberry 。咁樣真係私人銀行家先知道又信託公司又間接持手,董建華兩兄弟係咪現兜兜可以從中遠集團袋錢走人,定其實要扣番之前爭落國家既?而Artson 同Hanberry都係聖基茨和尼維斯註冊既,而其他我所講既公司又係BVI公司,陰謀論咁講可以好唔透明。反而傳說中要留番中國香港牌頭,但其實一早係國家隊一部分既版本,似乎更引人入勝。當然邊個版本係真我地真係唔會知,而現實係公司已正式係國家隊中遠既一部分,要比國家隊刷排名。